Pune शहरात आज अचानक हवामानाने मोठा पलटा घेतला आणि वादळी वाऱ्यासह तुफान पावसाने नागरिकांची अक्षरशः तारांबळ उडाली.दुपारनंतर अचानक काळे ढग दाटून आले आणि काही मिनिटांतच जोरदार वारे, धुळीचे लोट आणि विजांच्या कडकडाटासह मुसळधार पावसाला सुरुवात झाली.अचानक आलेल्या या अवकाळी पावसामुळे रस्त्यावर असलेल्या नागरिकांची मोठी धावपळ पाहायला मिळाली.अनेकांनी
अनेकांनी दुकानं, बसस्टॉप आणि पुलाखाली आसरा घेतला. जोरदार वाऱ्यामुळे शहरातील अनेक भागात धूळ हवेत उडाल्याने काही वेळ वातावरण पूर्णपणे धूसर झालं होतं.विशेषतः हडपसर, कोथरूड, शिवाजीनगर, पिंपरी चिंचवड आणि शहराच्या उपनगरांमध्ये जोरदार वाऱ्यासह पावसाचा प्रभाव अधिक जाणवला.काही भागात विजांच्या कडकडाटामुळे नागरिकांमध्ये भीतीचे वातावरण निर्माण झाले होते. ऑफिस सुटण्याच्या वेळेत पाऊस आल्यामुळे वाहतूक कोंडीही मोठ्या प्रमाणात झाली. दुचाकीस्वार आणि पादचाऱ्यांना मोठा त्रास सहन करावा लागला.
गेल्या काही दिवसांपासून वाढलेल्या उकाड्यानंतर आलेल्या या पावसामुळे वातावरणात गारवा निर्माण झाला असला तरी अचानक बदललेल्या हवामानामुळे नागरिकांची गैरसोय झाली.दरम्यान, भारतीय हवामान विभाग यांनी पुढील काही दिवस पुणे आणि आसपासच्या भागात वादळी वाऱ्यासह पावसाची शक्यता कायम असल्याचा अंदाज व्यक्त केला आहे.
सध्या सोशल मीडियावर पुण्यातील पावसाचे व्हिडिओ आणि विजांच्या कडकडाटाचे दृश्य मोठ्या प्रमाणात व्हायरल होत आहेत. अनेक नागरिकांनी “काही मिनिटांत हवामान पूर्ण बदललं” अशी प्रतिक्रिया व्यक्त केली आहे.
