Ladki Bahin Yojan e-KYC: मुख्यमंत्री माझी लाडकी बहीण योजना अंतर्गत मागील काही महिन्यांचे पैसे खात्यात जमा न झाल्यामुळे राज्यातील अनेक महिलांमध्ये संतापाची भावना निर्माण झाली आहे. e-KYC पूर्ण करूनही तीन महिन्यांचे मासिक अनुदान मिळाले नसल्याचा आरोप करत अनेक लाभार्थी महिला थेट जिल्हाधिकारी कार्यालयात धडकल्या.
अचानक मोठ्या संख्येने महिला जिल्हाधिकारी कार्यालयात दाखल झाल्यामुळे काही काळ गोंधळाचे वातावरण निर्माण झाले. “आमचा लाभ बंद का केला?”, “KYC करूनही पैसे का आले नाहीत?”, “आम्ही आता कुणाकडे जावं?” असे सवाल महिलांनी प्रशासनाला विचारले.
e-KYC पूर्ण तरीही खात्यात पैसे नाहीत
विशेष म्हणजे अनेक महिलांनी सांगितले की, त्यांनी वेळेत e-KYC अपडेट केले होते. आधार लिंकिंग, बँक खाते पडताळणी आणि आवश्यक कागदपत्रांची प्रक्रिया पूर्ण करूनही मागील तीन महिन्यांचे 1500 रुपयांचे हप्ते खात्यात जमा झाले नाहीत.
ग्रामीण भागातून आलेल्या काही महिलांनी सांगितले की, घरखर्च, औषधे, मुलांचे शिक्षण आणि दैनंदिन गरजांसाठी त्या या योजनेच्या पैशांवर अवलंबून आहेत. त्यामुळे सलग तीन महिने पैसे न मिळाल्यामुळे अनेक कुटुंबांची आर्थिक अडचण वाढली आहे.
जिल्हाधिकारी कार्यालयात महिलांचा संताप
जिल्हाधिकारी कार्यालयात आलेल्या महिलांमध्ये मोठी चिंता आणि नाराजी दिसून येत होती. काही महिलांनी “आमचा अर्ज Approved दाखवतो, पण पैसे येत नाहीत,” अशी तक्रार केली. तर काहींनी “Application Pending” किंवा “Under Review” स्टेटस अजूनही बदलत नसल्याचे सांगितले.
दरम्यान, निवासी उपजिल्हाधिकाऱ्यांनी महिलांशी चर्चा करत त्यांची समजूत काढण्याचा प्रयत्न केला. प्रशासनाकडून तांत्रिक पडताळणी आणि बँक खात्याशी संबंधित काही कारणांमुळे पैसे अडकले असू शकतात, अशी माहिती देण्यात आली.
आता महिलांचा सरकारला थेट सवाल
मात्र महिलांचा प्रश्न अजूनही कायम आहे — “KYC पूर्ण असूनही पैसे कधी मिळणार?”
गेल्या काही दिवसांपासून राज्यभरात लाडकी बहीण योजनेच्या हप्त्यांबाबत अनेक तक्रारी समोर येत आहेत. काही महिलांना मार्च आणि एप्रिलचे एकत्र 3000 रुपये मिळाले, तर अनेक लाभार्थी अजूनही प्रतीक्षेत आहेत.
सोशल मीडियावरही महिलांनी मोठ्या प्रमाणात नाराजी व्यक्त केली आहे. “KYC करा” असा संदेश वारंवार देण्यात आला, पण प्रक्रिया पूर्ण करूनही पैसे न मिळाल्यामुळे लाभार्थी महिलांमध्ये संभ्रम आणि संताप वाढत आहे.
आता प्रशासन आणि सरकार यावर नेमकी काय भूमिका घेणार, रखडलेले हप्ते कधी मिळणार आणि अपात्र ठरलेल्या महिलांची पुढील प्रक्रिया काय असणार याकडे राज्यभरातील महिलांचे लक्ष लागले आहे.
हेही वाचा: Ladki Bahin Yojana Takrar 2026: पैसे आले नाहीत अशी करा तक्रार नवीन सुविधा सुरू Latest Update
Comment करा 👇
तुमच्या खात्यात लाडकी बहीण योजनेचे पैसे आले का?
e-KYC पूर्ण करूनही हप्ता मिळाला नसेल तर तुमची अडचण खाली comment मध्ये नक्की सांगा.
