Ladki bahini Yojana hafta: e-KYC करताना तो एक प्रश्न त्याचं उत्तर हो दिलं आणि 86 लाख लाडक्या बहिणी अपात्र

Ladki bahini Yojana hafta: मुख्यमंत्री माझी लाडकी बहीण योजनेबाबत महत्त्वाची माहिती समोर आली आहे. योजनेत लाभार्थी महिलांची संख्या मोठ्या प्रमाणात घटल्याचे दिसून येत असून e-KYC फॉर्ममधील एका प्रश्नामुळे अनेक महिला तांत्रिकदृष्ट्या अपात्र ठरल्याची चर्चा सुरू आहे. या योजनेसाठी सुरुवातीला सुमारे 2.4 कोटी महिलांनी नोंदणी केली होती. मात्र डिसेंबर 2025 च्या हप्त्यावेळी लाभार्थी संख्या सुमारे 1.6 […]

Ladki bahini Yojana hafta: मुख्यमंत्री माझी लाडकी बहीण योजनेबाबत महत्त्वाची माहिती समोर आली आहे. योजनेत लाभार्थी महिलांची संख्या मोठ्या प्रमाणात घटल्याचे दिसून येत असून e-KYC फॉर्ममधील एका प्रश्नामुळे अनेक महिला तांत्रिकदृष्ट्या अपात्र ठरल्याची चर्चा सुरू आहे.

या योजनेसाठी सुरुवातीला सुमारे 2.4 कोटी महिलांनी नोंदणी केली होती. मात्र डिसेंबर 2025 च्या हप्त्यावेळी लाभार्थी संख्या सुमारे 1.6 कोटींवर आली असल्याची माहिती मिळत आहे.

नेमका गोंधळ कशामुळे झाला?

e-KYC पडताळणीदरम्यान अर्जदारांना
“तुमच्या कुटुंबातील कोणीही सरकारी नोकरीत नाही ना?”
असा प्रश्न विचारण्यात आला होता.

ज्या कुटुंबात सरकारी नोकरी नव्हती, अशा अनेक महिलांनी गोंधळून “हो” असे उत्तर निवडले. नियमांनुसार कुटुंबात सरकारी कर्मचारी असल्यास योजना लागू होत नाही. त्यामुळे प्रणालीने अशा अर्जदारांना अपात्र म्हणून दर्शवले.

दुरुस्तीची संधी

अशा प्रकारे चुकीचे उत्तर दिलेल्या महिलांना अर्ज दुरुस्त करण्याची संधी देण्यात आली आहे. संबंधित लाभार्थ्यांनी 31 मार्च 2026 पर्यंत ऑनलाइन पोर्टलवर माहिती सुधारणा करणे आवश्यक आहे. दुरुस्ती पूर्ण झाल्यानंतरच पुढील हप्त्यांचा लाभ मिळू शकतो.

हप्ता का अडकला?

जानेवारी महिन्याचा 1500 रुपयांचा हप्ता अनेक महिलांच्या खात्यात जमा झालेला नाही. विभागांदरम्यान निधी हस्तांतरण प्रक्रियेत विलंब होत असल्याने पेमेंट उशिरा होण्याची शक्यता व्यक्त केली जात आहे.