लाडक्या बहिणींनो, तुमच्या बँक खात्यात अचानक पैसे जमा झाले आणि फोन करून ते चुकून ट्रान्सफर झाल्याचे सांगितले, तर लगेच पैसे परत पाठवण्याची घाई करू नका. स्टेट बँक ऑफ इंडिया (SBI) ने ‘जंप्ड डिपॉझिट स्कॅम’ या UPI फसवणुकीच्या प्रकाराबाबत ग्राहकांना सतर्क केले आहे.
नेमकी फसवणूक कशी होते?
- सायबर भामटे तुमच्या खात्यात आधी छोटी रक्कम जमा करतात.
- त्यानंतर फोन करून पैसे चुकून पाठवल्याचे सांगतात.
- पैसे परत करण्याच्या घाईत तुम्हाला UPI पेमेंट रिक्वेस्ट स्वीकारायला लावतात.
- प्रत्यक्षात ती रिक्वेस्ट मोठ्या रकमेची असू शकते. तुम्ही UPI PIN टाकल्यास तुमच्या खात्यातून पैसे जाऊ शकतात.
हे नक्की वाचा: लाडक्या बहिणींनो, व्यवसायासाठी ₹25,000 पर्यंत कर्ज! स्वर्णिमा योजना लाभ कसा घ्यायचा?
लाडक्या बहिणींनो, या गोष्टी लक्षात ठेवा
- अनोळखी व्यक्तीच्या सांगण्यावरून लगेच पैसे ट्रान्सफर करू नका.
- UPI रिक्वेस्ट स्वीकारण्यापूर्वी रक्कम आणि व्यवहाराचा तपशील तपासा.
- पैसे मिळवण्यासाठी UPI PIN टाकण्याची गरज नसते.
- बँकेचा अधिकृत संपर्क असल्याची खात्री करा; OTP, PIN किंवा पासवर्ड कोणालाही सांगू नका.
- फसवणूक झाल्यास त्वरित 1930 या सायबर हेल्पलाइनवर संपर्क साधा किंवा https://cybercrime.gov.in येथे तक्रार नोंदवा.
महत्त्वाचे: खात्यात अनोळखी पैसे जमा झाल्यास व्यवहाराची बँकेकडून पडताळणी करून घ्या. पैसे परत करण्याची गरज असल्यास बँकेच्या अधिकृत प्रक्रियेचा वापर करा.
ही माहिती तुमच्या कुटुंबातील महिला आणि इतर बँक ग्राहकांपर्यंत नक्की पोहोचवा.
Disclaimer: ही पोस्ट बँकिंग सुरक्षा आणि UPI फसवणुकीबाबत जनजागृती करण्यासाठी आहे. कोणताही अनोळखी व्यवहार आढळल्यास आपल्या बँकेशी अधिकृत माध्यमातून संपर्क साधा. OTP, UPI PIN किंवा बँकिंगची गोपनीय माहिती कोणालाही देऊ नका. अधिकृत माहितीसाठी SBI च्या वेबसाइटला भेट द्या.
Age 36